Harmony Music euskaratuta: musika jogailu interesgarri eta librea
Harmony Music programa libreak euskara ikasi du. Etxepare Lizeoko teknologia irakasle honen lan saiatuari esker, 1.10.4 bertsioa deskarga dezakezue GitHub-eko esteka honetan.
Zure gailuan dituzun abestiak erreproduzitzeko balio du, baina aldi bereanYoutuben dauden abestiak eta erreprodukzio-zerrendak entzuteko aukera eskaintzen dizu. Spotifyren ordez, Youtube erabiliz super-biltegi bezala (musikarako hala funtzionatzen baitu neurri handi batean bideoen fune horrek).
Harmony Music erabiltzeko ez da konturik sortu behar, eta gainera publizitaterik gabe dabil. Zure zerrenda propioak sor ditzakezu eta abestiak deskarga daitezke
Android, Linux eta Windows-en erabil daiteke. Android-eko kasuan ez dago Google Play denda ofizialean, baina APK jaitsi dezakezu GitHub-etik, edo F-Droid denda librearen bidez instalatu.
Hona ezarpenen pantaila bat, eta beherago erabiltzaile baten musika aukeraren interfazea:
Erantzun
Sartu