Gosex, sexuaren inguruko bideopodkasta

Ainhoa Azkue Nebukai da aurkezlea eta Hiruki Larroxa Kooperatibako  Ibai Fresnedo agertuko da aditu gisa, gaien inguruko bere ezagutza eta ikuspuntua emateko. Lehen atala abenduaren 19an emango dute eta Aitor Majada TikToker eta abeslaria izango da gonbidatua. Lehen atal honetan pornoa izango dute hizpide.

Ainhoa Azkueri elkarrizketa egin diote aste honetan Berrian, eta bertan dio: "Nik kontu dezente irakurtzen ditut sexuaren bueltan izaten ditugun minen inguruan, baina iruditzen zait askotan ez dugula ingurukoekin hitz egiten sexuaren bueltako minei buruz, eta Internetera jotzen dugula. Espero dut gazteek Gaztezulo-rekin kezka asko ase ahal izatea."

Atalen aurrerapen bat irten zen joan den astean, eta gaur eta datorren ostegunean egongo dira beste bi aurrerapen. Gosex aurkituko duzue hemen.