Teknologia albisteak

Jardunaldia Azpeitian, euskarazko kulturgintzaren transmisioa eta hedabideak

Sustatu

2024-09-12 : 09:24

"Sormenean Hezi, Kulturan Hezi" jardunaldiak Kultur Sorkuntzaren Transmisia delakoa ekimenak antolatzen ditu, eta hirugarren edizioa izango da aurten, urriaren 26an. "Euskarazko kulturgintzaren transmisioa eta hedabideak" izango da goiburua jardunaldietan. Lehen jardunaldiak 2019an egin ziren, kultur bitartekaritza eta hezkuntza arautua hartuta hizpide. Bigarren jardunaldiak lau herritan egin ziren 2021eam, eta hezkuntza araututik kanpoko egoera aztertu zuten.

2024ko honetan, hedabideek euskarazko kulturgintzaren transmisioan nola eragiten duten eta nola eragin dezaketen aztertuko dute, baita euskaraz sortzen dutenek hedabideetan duten presentzia ere.

Kultur Sorkuntzaren Transmisioa ekimena osatzen dute Udako Euskal Unibertsitateak, Durangoko Azokako Ahotseneak, Bertsozale elkarteak, EIEk, EIZIEk, Elkar fundazioak, Euskal Wikilarien elkarteak, Hik Hasik, Jakinek eta Lanartea elkarteak.

Data: 2024ko urriaren 26a, larunbatarekin, (9:00-16:00)
Tokia: Sanagustin kulturgunea, Azpeitia.
Izen-ematea eta informazio gehiago UEUren webgunean.

Egitaraua

08:45 - 09:15: Harrera

09:15 - 09:30: Ongi etorria

09:30 - 10:30: Euskarazko kulturgintzaren presentzia hedabideetan. Azterketaren emaitzak. Libe Mimenza, Behategia (NOR ikerketa taldea, EHU)

10:30 - 11:00 Kafea

11:00 - 13:00. Mahai ingurua: Zertan da euskarazko kulturgintzaren komunikazio-jarduna?

Iñaki Etxeleku: Aktorea, kultur-eragilea, kazetaria
Ane Zuazubiskar: bertsolaria, kazetaria
Josune Velez de Mendizabal: aktorea, ipuin-kontalaria, kazetari izandakoa
Inma Errea (mahai-inguruaren dinamizatzailea)

13:00 - 14:00. Bazkaria
14:00 - 16:00. Kultur kuotak hedabideetan: Nazioarteko ereduak.

Kultur kuoten bilakaera nazioartean eta egungo panorama (Amagoia Gurrutxaga Uranga, LANARTEA Euskararen Langile Profesionalen Elkarteko koordinatzailea).
Kataluniako kultur kuota sistema eta Espainiako Ikus-entzunezko Lege berria (Pol Cruz- Corominas, Plataforma per la Llenguako Kultura Batzordeko kidea)