Eskaputxiki saileko lehen 'eskapu liburua', Nerea Loiolaren eta semaren eskutik
Eskapu liburuak dira escape room baten parekide idatziak. Hala definitzen eta idazten ditu Nerea Loiola idazleak, zeinak pare bat argitaratuak zituen orain arte, Erein argitaletxearekin. Orain, beste bilduma bat hasi du, Eskaputxiki, Miraren Mendekua liburuarekin. Berezitasuna: zortzi urteko semearen olgetan eta elkarlanean egin du liburua Loiolak.
Gogo izugarriz, zera kontatu zuen duela bi hilabete:
"2023ko gabonetan, 8 urteko semeak bere adinekoentzako ESKAPU liburu bat egiteko eskatu zidan. "Ideiaren bat okurritzen bazait egingo dut" [amak]. "Nik badut ideia bat" [haurrak]. Elkarrekin egitea proposatu nion. Oporretan ideia landu genuen (ni olgetan eta bera benetan), eskema egin, pertsonaiak... Urte hasieran gaixoaldi luze samarra izan zuen eta berriz ere heldu genion "jolasari". Jolasa ez zela ikusi nuen arte, ideia on bat geneukan, liburu bat eta bilduma berri bat."
Eta hortxe da eskapu liburua: Aukeratu zure abentura, ihes-liburuaren eran. Miraren Mendekua, 8 urtetik aurrerako haurrentzat, Ivan Landaren ilustrazioekin.
Jada salgai Ereinen webgunean: Miraren mendekua.
/cache/IMG_0069_2_1_small_content.jpg)
Erantzun
Sartu