KSI Berritzaile+: kultura eta sormen industrientzako laguntzak EAEn

KSI edo kultura edo sormeneko industriak dira, deialdi honen helburuetarako, honako hauek: Arte eszenikoak, Ikusizko arteak, Ikus-entzunezkoak, Edizioa eta bitarteko inprimatuak, Musika, Kultur ondarea, Arkitektura, Artisautza, Eduki digitalak, Diseinua, Sorkuntza gastronomia, Hizkuntzaren industriak, Moda, Publizitatea eta marketina, eta Bideojokoak. Kontuan hartzen dira halaber KSI sektoreko zeharkako erakundeak ere, hau da, bitartekaritza eta/edo aholkularitza/aholkularitza kulturaleko eta sortzaileko enpresak.

Diruz lagundu daitezkeen proiektuak dira "EAEko KSIen sektorean ahalmen berritzaile handia duten proiektuak, sektorearen lehiakortasunaren hobekuntzan nahiz nazioarteko posizionamenduan eragina dutenak, eta, horrela, transferentzia-prozesuak garatzen eta sinergiak eta aukera-espazio berriak sortzen laguntzen dutenak."

Zehazki proiektu baten barruan, honako alderdiak lagunduko dira:

• Produktuaren/zerbitzuaren, prozesuaren edo negozio-ereduaren berrikuntza-proiektuak, diferentziazioa eta balio instrumentala, intrintsekoa edo soziala dakartenak.
• Elkar eragin gurutzatua sustatzen duten I+G+b proiektuak.

Kontuan hartuko da bereziki Eusko Jaurlaritzaren ZTBPn (Zientzia, Teknologia eta Berrikuntzarako Plana) zehazten diren hiru trantsizioetako batekin zerikusia duten I+G+b ekintzak sustatzen badira. Hiru trantsizio horiek dira:

• Trantsizio teknologiko eta digitala
• Trantsizio energetiko eta klimatikoa
• Trantsizio sozial eta sanitarioa

Informazio zehatzagoa:

• ZTBP eta bere hiru trantsizioen azalpena.
• Deialdia EHAAn.
• Eskabidea egiteko webgunea.