Txikipediaren proiektu bat, Zumaiako Institutua eta Donostiako Aquariuma elkarlanean
Euskarazko Wikipediaren gaztetxoentzako atala da Txikipedia, eta ekimen interesgarrian jardun du azken hilabeteotan, datorren astean erakusketa batean gauzatuko dena. Txikipedia Nabigatuz proiektuak Zumaiako BHI Institutuak eta Donostiako Aquariumak egin dute elkarlanean. Emaitzak ikusgai datorren astean Zumaian, Apirilaren 9 eta 10ean Alondegia kultura etxean(Oxford aretoan).
Aquariumak 50 animalia espezie identifikatu ditu lanerako, eta Batxilergoko 1. mailako ikasleek ilustrazioak eta artikuluak egin dituzte, hiru ataletan bereiziz espezieak, arrain hezurdunak, arrain kartilagoduna eta ornogabeak.
Ikasleek hanako lanak egin dituzte beraz:
- Marrazketa artistikoa: ikasleek ilustrazio zientifikoak egin dituzte.
- Latina: ikasleek espezieen izen zientifikoak aztertu dituzte.
- Biologia Geologia eta Ingurumen Zientziak: ikasleek Txikipediarako artikuluak sortu dituzte eta Marrazketa artistikoko ikasleen ilustrazio zientifikoak eta Latineko ikasleen etimologia azalpenak txertatu dituzte.
Informazio gehiago, hemen.
Erantzun
Sartu