Suno: abestiak sortu adimen artifizialarekin, baita euskaraz ere

Sustatu egiten dugun CodeSyntax enpresako Ion Lizarazuk Korrikarentzako abesti hau ere sortu zuen lehengoan:

Beste zaletu batek rock epikoa egiteko baliatu du:

Norberak asmatu ditzake hitzak bai, eta euskarazko ahoskatzea ez da hain txarra. Irudi bat ere sortzen du sistemak bide batez, eta Aberri ereserkiaren kasua, halako euskal herri urbano edo idiliko bat sortu du berez, ikusi artikuluko lehen irudia.

Beñat Erezuma adimen artifizialeko adituak ere sortu ditu batzuk, hona Gosariak:

Adimen artifizialak 2024ko udako kanta sortu du: "GOSARIAK".

Bai hitzak zein musika AAk sortu ditu, gaia "gosariak" izan da.

Eta bai, mokordo baten antza du abestiak.

Entzun pic.twitter.com/HKvFm835Gw

— Beñat Erezuma (@BenatErezuma) March 27, 2024

Hitzak zuk sortu ditzakezu, edo beste abestiren batenak eman... adibidez Athletic eta Real futbol taldeen ereserkien bertsio trap eta flamenkoak entzun ditugu hortik:

• Athleticen ereserkia trap eran, eta erantzunetan Realarena.
• Txuri-urdin berriro, baina flamenko eran.
• Olentzero joan zaigu metal industrialean, aurreko batzuk bezala Danel Solabarrietak sortuak.

Suno dohainik erabiltzen ahal da, baina kasu horretan, zure sorkuntza ez da bi minutu baino luzeagoa izango, bere jabetza intelektuala Sunorena izango da, eta partekatzekotan sistema horren sorkuntza dela aitortu beharko duzu.

Ordainpeko plan bat baino gehiago dago, eta nonbait horiekin pieza luzeagoak sortzen ahal dituzu, eta horietan bai, zure egiletza geratuko omen da erregistratua copyright bezala. Tira, auskalo, hori da Sunogileek diotena eta ea zer garatzen den aurrerantzean...

Ondo igaro Aberri Eguna aberkideok, amai dezagun artikulua gure ereserkiarekin:

Igande sakratuan
dir-dir eguzkia
badoa garaitzara
nafar zalditeria

[koroa]
Esnatu da Euskal Herria
euskotarren aberria

Haran, mendi eta lautadak
itsasoko kresala
herri hau zinez dugu
superpotentzia emozionala