Audiogile Berriak, euskarazko soinu fikzioa sustatzeko ekimena

Tabakaleran prestakuntza jaso eta egonaldia egingo dute hiru audiogileek, besteak beste, Harkaitz Canoren tutoretzarekin. Gainera, Tabakaleraren eskutik 2.000 euroko dirulaguntza izango dute proiektuak garatzeko. Gero epaimahai batek hiru proiektu horietatik onena aukeratuko du, eta EITBk ekoitzi eta zabalduko du. Aukeratutako proiektuak 30.000 euro jasoko ditu ekoizpenerako, eta EITBk 3.000 euroan eskuratuko ditu proiektuaren eskubideak.

Tabakalerako ikus-entzunezko laborategian hiru hilabetez lanerako lekua izango dute hiru proiektuen egileek. Prozesu horretan nabarmendu behar da Harkaitz Cano idazle eta gidoilariaren aholkularitza eta laguntza ere izango dutela banakako tutoretzen bidez. Denboran bi egonaldi gauzatuko dira: lehenengoan gidoiaren idazketa eta narratiba berriak landuko dira sektoreko profesional ezagunen eskutik; eta bigarrenean prestakuntza teknikoan sakondu eta hainbat nazioarteko soinu-ekoizpenaren arrakasta eredu ezagutu eta gonbidatuko dira.

Izena emateko epea urtarrilaren 8ra arte ireki da. Oinarriak zehatz, eta proposamena bidaltzeko aukera Tabakalera.eus webgunean, hemen.