Euskal Artisten 1. mintegia egingo da larunbatean
Oiartzingo Landetxe Kultur aretoan egingo da urriaren 21ean, larunbatarekin, Euskal Artisten 1. mintegia.UEUk eta Lanartea elkarteak antolatuta, lelo honekin egin dute deia: "Artistaren Estatutua. Nondik? Nola? Norentzat? Zertarako?"
Mintegiaren eduki nagusiak izango dira mahai-ingurua, eta hitzaldi informatibo kontu fiskal/laboralez.
Mahai-inguruari izenburu hau eman diote: "Zertaz ari gara Artistaten Estatutuaz ari garenean?". Moderatzailea izango da Sustrai Colina eta hizlariak:
- Odei Barroso (musikaria, ekoizlea, intermitentea)
- Pantxika Telleria (dantzari, koreografo, Elirale Taldearen sortzilea)
- Maddi Goikoetxea (aktorea,URA JATEN liburua argitaratu berri du SUSA argitaletxearekin)
Hitzaldi nagusia, berriz "Sortzaileen egoera fiskala eta lan erregimena", hizlariak izango direlarik Amagoia Gurrutxaga (Lanartean elkarteko koordinatzailea) eta Xabier Barinaga-Rementeria abokatua.
Mintegian halaber emango dute Loreak Belaunetan dokumentala, sortzaile gazteen inguruan Lanarteanek ekoitzia. Hain zuzen ere, Lanarteanek beste eduki bat ekoizten hasi da udazken honetan: "Ez Gatoz Paristik" podkasta, sortzaileen lan egoeraz hau ere. Hona hemen lehen alea, eta podkastaren etxea Berriaren webgunean
Euskal Artisten 1. mintegiari dagokionez, informazio gehiago eta izen-ematea hemen.
Erantzun
Sartu