Mantangorri, haurrentzako webgune berria

Paperezko gehigarriko edukiez gain, ikus-entzunezko edukiak ere baditu Mantangorriren webguneak. Hainbat ipuin kontalariren bideoak bilduko ditu, haurrek horiek nahieran ikusi eta entzun ahal izateko. Hemen aurrerapen bat jada.

Gainerako edukiak, hala deskribatu dituzte banatutako oharrean: "Belardok azken orria umorez kutsatzen du astero-astero ateraldiekin. Bada, Mattinen belar-meta ezagunaren bilduma ikusgai egongo da sarean hemendik aurrera. Kaiet Bengoetxeak egindako denbora-pasak, berriz, deskargatzeko moduan egongo dira [PDFetan], inprimatu eta ariketak egiteko. Eta Irrien Lagunek proposatutako eskulanak, esperimentuak eta bitxikeriak ere irakurgai egongo dira sarean.

Diseinu garden eta erraz batekin egin dute Mantangorri webgunea. Tabletean umeek ondo erabiltzeko moduan. Berriak, gainera, beste berrikuntza batzuk ere ekarriko ditu bere webgunera udazken honetan.

Ikus beraz https://www.berria.eus/mantangorri/