Multimedia atala estreinatu dugu Sustatun
Gaurdanik aukera berria dugu Sustatu gure webguneko menuan: Multimedia. Badira aste batzuk Twitch saioak egiten hasi ginenetik, ohikoan Segura Irratiarekin ostegunero egiten dugun zuzeneko konexioa baliatuz, baina zuzenekoaz gain, artxibatzen goaz emanaldi horiek (Youtube kanalaren bidez), eta orain hemen ere gordeta izango ditugu.
Sustaturen Multimedia edukiak osatzen dituzte, denboraldi honetan nagusiki, Segura Irratitik audioz eta gure Twitch kanaletik ikus-entzuneko zuzenean egiten ditugun emanaldiek: ohikoan, ostegunetan goizeko 10.40etan izaten da, 20 minutuko saioa. Horrez gain, Youtubeko gure kanalean ere kargatzen ditugu beste audio eta bideo eduki batzuk tarteka, Sustatuko editore eta lankideen edukiekin.
2001etik argitaratu izan dugun guztiaren artxiboa dugu Sustatun, eta harro gaude iraunkortasun eta memoria-gaitasun horrekin. Uste dugu 21. mendeko memoria digital teknologiko euskalduna neurri handi batean artxibo horretan dugula. Gehien-gehiena testuala, eta 2011tik aurrera irudiz hornitua ere bai, baina 2022 honetatik aurrera baita multimediatikoa ere bai.
Erantzun
Sartu