Teknologia albisteak

Nafarroako Gobernuaren metabertso erridikulu eta erdalduna

Erabiltzailearen aurpegia
Sustatu
2022-05-17 : 10:13

Duela hilabete jarri zuen Nafarroako Gobernuak bere azken ekimen digitala sarean: "metabertsoa". Gela tridimientsional batzuk, non abatar moduko batean sar zaitezkeen eta funtsean balio duen ba... ezertarako ere ez? Gainera erdara hutsez bakarrik, nola ez, ingelesezko azpiegitura baten gainean (Join eta Leave bezalako mezuekin), gaztelera da metabertso honetako hizkuntza bakarra, nahiz eta "mila esker" bat irakurri dugun (ez dakigu ordea zer eskertzen zaigun),

Aurkezpena egin zenean, apiril erdialdean, Iñaki Larrañaga kazetari euskaldunak erreparatu zion txorakeria honen inutilidade perfektuari.

Hala ere, asteburu honetan ospe pixkat lortu du proiektuak, Jaime Obregon garatzaile kantabriarrak proiektuaren absurdoari erreparatu zionean.

Gauzaren kodeari begiratuta, ikusi zuen jarraipena egin zitekeela, bot programatuz, eta erabiltzaileak nola sartzen diren (edo inor sartzen ez den) kontrolatzen du harrezkero, Twitterreko bot batekin: https://twitter.com/metanavarra

Era berean hori egiteko kodea askatu du Obregonek: hemen.

Trastoari beste aprobatxo bat eginez, youtuber batek deia egin zuen jendea batzeko denak batera proiektura, eta ikusi zen atzo metabertsoak aforoa duela: 49 abatar kabotzen dira eta ez gehiago. Horra albistea, eta irudia bertan, bere erabilpenaren klimaxean erabiltzaileak Metabertso Nafarrean, ezertarako ere balio ez duen gauza batean:

Galdu denbora zure kasa: https://metaverso.navarra.es/es/ordenador

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago