Emakumeak Zientzian 2022 jardunaldiak, datorren astetik aurrera

Jarduera egitaraua otsailaren 10etik 18ra bitartekoa da, eta ondoren, martxoaren 13ra arte, "Zientziaren izarrak" erakusketa luzatuko da Donostiako Eureka Zientzia Museoan (datorren astetik irekia jada hau ere).

Antolatutako jardueren artean, adin guztietarako dago:

• Familia eta haurrentzako  esperimentu-tailerrak eskainiko dira Eureka Zientzia Museoan. 
• Nerabeentzako ingeniaritza eta nanozientzia tailerrak irakasleentzako orientazio akademikoarekin lotutako saio bereziak.
• Emakume helduek kulturaren transmisioan duten zeregina balioesteko, 55 urtetik gorako emakumeentzako tailerrak antolatu dira. Esperientziaren boterea izenburua du ekintza horrek.

Halaber, publiko orokorrarentzako saio berezi bat antolatu da Zinema eta Zientzia Zikloaren baitan. Gorilas en la Niebla filmaren lau proiekzio egingo dira Donostian, Gasteizen, Bilbon eta Iruñean.

Bestalde, urtetik urtera errepikatzen den Emakume Zientzialariak Atzo eta Gaur zientzia-ekitaldia izango da otsailaren 17an, Donostiako Victoria Eugenia antzokiko Club Aretoan. Gipuzkoako hainbat ikerketa-zentroetan lan egiten duten sei emakumezko igoko dira oholtzara beren ikerketei buruz hitz egiteko eta historiako emakume zientzialari handietako batzuk omentzeko, haien bizitza liluragarrien eta ekarpen zientifikoen berri emanez. 

Antolatzaileak dira: POLYMAT, CIC nanoGUNE, Donostia International Physics Center (DIPC), el CFM Materialen Fisika Zentroa (EHU-CSIC), CIC biomaGUNE, Biodonostia, Tecnun, CEIT, Eureka! Zientzia Museoa, Gipuzkoako Ingeniarien Elkargo Ofiziala, Basque Center on Cognition, Brain and Language (BCBL), Lortek, EHU ko Informatika Fakultatea, Gipuzkoako Ingeniaritza Eskola eta Kimika Fakultatea, Elhuyar, y el Gipuzkoako Zientzia eta Teknologia Parkea.