Karst eta Leizeen nazioarteko urtean, Karst Jaialdia Deban
Euskal Kostaldeko Geoparkeak “Karst jaialdia: harria eta herria” izenburua duen ekitaldia egingo du Deban datorren azaroaren 6an. Hitzaldiak, harri-jasotzaile eta harri-zulatzaile erakustaldia, Merkatu Txikia, irteerak eta bestelako jarduerak antolatu dira, goizez eta arratsaldez. Karst edo formazio karstikoak dira Euskal Herriko geologiako ezaugarri berezkoenetako bat.
Gainera 2021. urte hau, Karst eta Leizeen nazioarteko urtea da. Horregatik antolatu du Geoparkeak “Karst jaialdia: harria eta herria” ekitaldia).
Goizean zehar, Euskal Herriko Unibertsitateko hainbat geologok eta Aranzadi Zientzia Elkarteko arkeologoek hitzaldi laburrak emango dituzte; uraren, klimaren eta lurraren inguruan arituko dira, besteak beste. Iñaki Perurena harri-jasotzaileak, bestalde, harriaren inguruko gogoeta egingo du, zeinetan bere ibilbideko hainbat pasadizo eta hausnarketa nabarmenduko dituen egingo duen bakarrizketan.
Arratsaldean, doako bi irteera gidatu antolatu dira.
- Lasturko harrobira bisita egingo da Hector Fano geologoarekin. Taldea 15:00etan irtengo da Debako Zumarditik eta itzulera 17:30ean dago aurreikusita. Lasturko harrobia EAEko garrantzitsuenetako bat da, eta Geoparkean harri apaingarriak erauzten dituen harrobi nagusia. Parte hartzeko izena ematea beharrezkoa dah emen.
- Aixa kobazulora espeleologia irteera 16:00etan abiatuko da autobusez Debako Zumarditik eta 18:30ean itzuliko da. Adituen laguntzarekin (Felix Ugarte espeleologia elkartea) kobazulo karstiko horrek gordetzen dituen pasabide eta ezaugarri bereziak ezagutzeko aukera izango dute parte-hartzaileek. Aixa Izarratzko mendigune karstikoko kobazulorik zabal eta luzeenetakoa da. Kaskoa eta kopetako argia banatuko zaie parte-hartzaileei, eta horien atrtean egon nahi baduzu, izena eman behar du formulario honetan.
Karst Jaialdiaren egitarau zehatza, eta informazio gehiago hemen.
Erantzun
Sartu