Teknologia albisteak

Euskararen Adierazle Sistema esplikatzeko mintegia bihar

Erabiltzailearen aurpegia
Sustatu
2021-10-26 : 08:37

Euskararen Adierazle Sistema (EAS) ezagutarazteko mintegi bat antolatu da bihar, urriak 27, Donostian, eta online emango dute streaming eran. Honela aurkeztu du ekitaldia Hizkuntza Politikarako Sailburuordetzak: "2021ean lanketa berezia egin da ingurune digitalaren esparruan eta aukera hau baliatu nahi izan dugu bildutako datuekin lanketa sakonago bat egiteko. Horretarako, gaian adituak direnengana jo dugu, ale monografikoan aurkituko dituzun artikuluak eta elkarrizketa osatzeko." Adierazle sistemak, azken batean, euskararen erabilpen eta agerpen datuak neurtzen ditu hainbat parametrotan (asko teknologikoak).

10:15etatik aurrera izango da ekitaldia, presentzialki Donostiako Carlos Santamaria liburutegitik (Ibaetako EHuren kanpusa), streaming bidez jarraitzeko lotura honetatik: https://youtu.be/nvqRIMJ2cLw / Parte-hartzaileak:

  • Maite Goñi. EUSKARAREN INGURUNE DIGITALA: GOMENDIOAK 2021-2024.
  • Galder Gonzalez: Euskarazko Wikipedia, euskararen sareko egoeraren adierazle gisa.
  • Xabier Arregi Iparragirre eta Olatz Arregi Uriarte: Hizkuntza-teknologien egoeraren
    adierazleak

Euskararen Adierazle Sistemako datu gehiago ikusteko: https://www.euskadi.eus/eas 

Antolatzaileek dokumentu bat zabaldu dute parte-hartzaileen ekarpenekin eta datu gehiagorekin, hemen partekatu dugu zuekin.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago