Bi batxilergo berri Hego Euskal Herrian

Hezkuntza-egitura berri hau LOMLOEren garapen-elementu nagusietako bat da. Aurrera eramango diren aldaketak dekretu bidez onartuko dira eta datorren ikasturtean sartuko dira indarrean (DBHko eta Batxilergoko lehenengo mailetan).

DBHn, ministerioak aldaketekin lortu nahi duen helburu nagusia hautazkotasun handiagoa eskaintzea da ikasleen aniztasuna sustatu ahal izateko. DBHn egongo diren ikasgai berrien artean, lehen eta hirugarren mailen artean, ikasleek Teknologia eta Digitalizazioa izeneko ikasgaia ikasi beharko dute. Laugarren mailan, aldiz, ikasgai hori hautazko bitan banatuko da; alde batetik, Teknologia eta beste alde batetik, Digitalizazioa. Gainera, DBH laugarren mailan ere Ekonomia irakasgaia Ekonomia eta Ekintzailetza deitzera pasako da eta sormen zein ekimen-espiritua sustatzea izango da ikasgai horren helburu nagusietako bat.

Batxilergoan, Arte modalitatea bitan banatuko da, interes desberdinei erantzuten dieten ibilbideak sortuz: bata musika eta arte eszenikoetara bideratuta dago, eta bestea, ordea, arte plastikoetara, irudira eta diseinura. Besalde, adar berri bat sortu da, Batxilergo orokorra deitzen dena eta gai humanistikoak eta zientifikoak batuko dituena.

Lehen hezkuntzako etapari dagokionez, (sei urtetik 12 urtetara) aldaketa gutxi egingo dira, orain ikastetxeetan funtzionatzen duen egitura bat datorrelako hezkuntza-lege berriaren ildoarekin, ikastetxeek ikasleen errealitatera egokitu ditzaketen muga-ezagutzako arlo nahiko zabalekin, erreformaren berri duten iturriek adierazi dutenez. Aurreikusitako arloak ikastaro guztietan emango dira, Balio Zibiko eta Etikoen Hezkuntza izan ezik, azken bietako batean bakarrik emango baita.

Informazio gehiago: Berria.