Zulora: kaleko eztabaidei buruz hitz egiten duen saio berria
Irailaren 30ean (osteguna) estreinatuko da “Zulora” saioa. Egun horretatik aurrera, bi astetan behin programa berria ikusgai egongo da Gaztea-ren Youtube kanalean eta EITBn, EITBPodkast plataforman ere. Lehenengo kapitulua “Matxismoaren sarean” izenpean aterako da.
“Zulora” Ane Zuazubiskar kazetariak aurkeztuko du eta gazteen iritziak saioaren oinarri izango dira. Gazteen eskutik gaur egungo gaiei buruz eztabaida eta hausnarketa aberasgarriak aterako dira. Kapitulu bakoitzak 30minutuko iraupena edukiko du.
Lehenengo kapitulua “Matxismoaren sarean” izenpean aterako da. Hiru emakume gaztek (Maialen Arteaga, Marina Landa eta Irati Erauskin) hartuko dute hitza eta sare sozialetan ikus ditzakegun jarrera matxistei buruz mintzatuko dira.
ORDUTEGIA:
- Lehenengo kapitulua (irailaren 30ean): 21:00etan
- Hurrengo saioak (bi astetan behin): 22:00etan
- kapitulu bakoitzaren iraupena: 30min
Erantzun
Sartu