Teknologia albisteak

Elkarlan Sariak, 2021erako deialdia ireki da

Erabiltzailearen aurpegia
Sustatu
2021-10-02 : 12:46

Elkarlan Sarien zazpigarren deialdia, 2021ekoa, argitaratu zen atzo EHAA buletinean. Euskal Autonomia Erkidegoaren baitan, herritarren parte-hartzea eta balio publikoaren kogenerazioa sustatzeko sortu zen sari hau, eta irabazi asmorik gabeko erakunde pribatuek aurkeztutako proiektuei lau sari emango zaizkie, bakoitza 9.000 eurokoa, aurtengo deialdian.

Proiektuek zerikusia izan beharko dute gizarte-erronka jakin batzuekin:

  • osasuna,
  • ingurumena,
  • garapen ekonomikoa,
  • ikaskuntza-kultura,
  • gizarte-kohesioa
  • eta gobernantza / kultura demokratikoa (erabaki publikoetan parte hartze sustatzen duten proiektuak).

Balorazio onena lortzen duten lau proiektuek 6.000 euro gordineko sari bana jasoko dute, eta 3.000 euro gordin gehiago jardunbide egokiak transferitzeko prozesuan aplikatu ahal izateko.

Diruaz gain, balorazio onena lortzen duten lau proiektuek honako prestazio hauek izango dituzte:

  • Kanpoko aholkularitza izango da, beste eragile batzuei transferitzeko prozesuan zehar, lurraldeko beste eremu edo espazio batzuetan aplikatzeko.
  • Saritutako proiektuaren berri ematea informazio-bideetan eta komunikabideetan, jendaurrean aintzatetsi eta proiektuak sustatzeko.

Azaroaren 1a arteko epea dago proposamenak aurkezteko. Informazio osoa, hemen.

Iazko irabazleak zein izan ziren jakiteko, ikus txosten hau PDF formatuan. Aurreko edizioez informazio gehiago, hemen.

Erantzun

Twitter ikonoa  Facebook ikonoa  Sartu