Basilika, podkast kulturalen faktoria

Egun Basilika honako hauek osatzen dute: Gorka Bereziartua, Sahatsa Jauregi, Pablo Marte, Kepa Matxain, Lur Olaizola, Beñat Sarasola, Jone Alaitz Uriarte eta Irati Urrestarazu.

Pose naturalez Loiolako Basilikan agertu direnez, hona identifikatuta inizialen bitartez.

Estreinatu den lehen podkasta, Zeelanda Berria, literaturaren ingurumarien ingurukoa da, eta Beñat Sarasolak eta Gorka Bereziartuak gidatuko dute. Victor Matzneff idazlearen pederastia agerikoa, sistema literario frantsesak onetsia, salatu du haren biktimetako batek, Vanessa Springorak, eta hori komentatzen dute gure literatura kritikari euskaldun biek, kontestua emanez eta beste kasu eta idazle batzuk aipatuz. Zeelanda Berriaren hurrengo alea ere gaiaren ingurukoa izango dela aurreratzen dute audioan: geurera ekarrita, Jon Mirande eta Haur Besoetakoa izango dituzte hizpide.

Basilikan ekoiztuko diren beste podkastak izango dira:

• Berdela, Okerla Sormen Lantegiaren lanari lotutako arte podkasta, Irati Urrestarazu eta Shatsa Jauregik egina. 
• Phoenix Ragazza Jone Uriarte eta Lur Olaizolak egingo dute, kultura aktualitateari buruzkoa, eta 2019an Consonni plataforman hasi zen proiektuaren jarraopena da
• Sakoneta Kepa Matxain eta Jon Urzelairen podkasta izango da, kultur monografiak nolabait, bigorexikoen kontra eta etzanda egon gogoko dutenen alde, ondo ulertu badugu. 
• Sector Conflictivo, berriz, gaztelerazko audio saiakkerak izango dira, artea eta kulturaren ingurukoak, Pablo Marte arista andaluziarraren eskutik.

Basilika jarraitzeko, Basilika.eus webgunea ikus, eta Twitterren ere jarraitu. Plataforma hauetan ere badaude, eta badirudi harpidetza bakarrarekin "marka" guztiak jarraitu ahal izango direla:

• Google Podcasts.
• Ivoox.
• Spotify.