Erran.eus, hedabide digital liderra bere esparruan
EAEn eta Nafarroan hedabideen audientzien analisia egiten duen CIES taldearen azken datuetan, bi datu maiatzeko azken neurketakoak: euskal irratien indarra; eta eremu digitalean, Nafarroako Mendialdean euskarazko hedabide lokal batek lortu duen lehen postua: Erran euskal hedabide lokalen Tokikom sareko albistegi digitalarena.
Erran-ek berak eman du berri bere webgunean, Nafarroa Garaiko mendialdean erabiltzaile bakarretan liderra da Erran.eus, 9.000 erabiltzailerekin, eta mila erabiltzailera daude Iruñean egoitza duten Nafarroako erdarazko bi egunkariek. Hona taula:
| 2021 / Erabiltzaile bakarrak |
|
| ERRAN.EUS | 9.000 |
| Noticiasdenavarra.com | 8.000 |
| Diariodenavarra.es | 8.000 |
| Berria.eus | 3.000 |
| Naiz.eus | 2.000 |
| Navarra.com | 1.000 |
Erran.eus, teknikoki, Tokikom Plataforman oinarritzen da, Sustatu egiten duen enpresak, CodeSyntax-ek, Tokikomentzat garatutako albistegi ereduan.
Irratiei dagokienez, EITB taldeko euskarazko biek gora egin dute, 136.000 entzule ditu Euskadi Irratiak Hego Euskal Herrian, eta Gazteak 115.000 entzule.
EITBk CIES datuetan emandako datuez informazio gehiago hemen.
Erantzun
Sartu