Aldaketa Topaketa, proiektu eraldatzaileentzako networking ebentoa Donostian
Datorren ekainaren 3an "Aldaketa Topaketa" antolatu dute Donostian Euskal Herriko Unibertsitateak eta Impact Hub Donostia berrikuntzarako guneak. Funtsean networking ebento bat izango da, loturak egin, proiektuak aurkeztu, aliantzak aurkitu eta, antolatzaileen aburuz, "eraldaketarako agenteen mapa elkarrekin sortzeko".
Honako pertsonei zuzentzen da topaketa:
- Gradu, Master edo Doktorego ikasleak, gizarte eraldaketarekin zerikusia duten lanak aurkeztu nahian. Tesia, GRALa edo MALa baduzu, bukatuta ala ez, eta ikustarazi nahi baduzu, izen emate inprimakiaren bidez esaiguzu.
- Aldaketa eragileak, eremu akademikoan ezagutu eta konektatu nahi dutenak.
- Eragile akademikoak (irakasle eta ikertzaileak, zein administrazio eta zerbitzuetako pertsonala) gizarte berrikuntzan eta kritikan interesa dutenak.
- "Behar dugun eraldaketarako ikuspegi argiagoa eta eraginkorragoa sortu nahi duten lagun guztiak."
Ekainaren 3an, ostegun arratsaldez, 16.00etatik aurrera, EHUko kanpuseko Carlos Santamaria Zentroan, Txillardegi Aretoan izango da topaketa. Izena ematea doan baina ezinbestekoa da, aforoa mugatua dagoelako.
"Arratsalde honetan unibertsitate eta Gipuzkoa kontziente, iraunkorra eta inklusiboago irudikatuko ditugu", diote antolazaileek. Informazio gehiago,hemen.
Erantzun
Sartu