Erauzterm (terminoen erauzketa automatikoa), dago Euskaltzaindiak argitaratu duen lexiko berriaren oinarrian

Oinarrizko lexikoaren dokumentuak bi atal ditu:

• Euskara-atala, 1.609 sarrera dituena. Sarrera guztiek arlo-informazioa dute, marken bidez adierazia: Geografia, Geologia, Meteorologia, Minerologia, Ozeanografia eta Paleontologia.
• Erdarak-euskara atala, hiru azpiatalez osatua: ingelesetik, gaztelaniatik eta frantsesetik euskarara (en-eu, es-eu, fr-eu).

Lexiko berria osatzeko honako testu-baliabideak hauek erabili dira:

• Arloko testu-bilduma, egitasmo honetarako berariaz egina (1,8 milioi hitz).
• Arloko web-corpusa, Elhuyarrek Internetetik automatikoki sortua (1,2 milioi hitz).
• Zientzia eta Teknologiaren Corpuseko "Lurraren zientziak" eremuko azpicorpusa (0,255 milioi hitz).

Testu-bilduma horietatik, oinarrizko lexikorako hautagaiak automatikoki erauzi dira, Elhuyar eta Ixa taldearen Erauzterm termino-erauzlea erabiliz. Gero, Lurraren zientzien arloko aditu batzuek hautagai horietako batzuk aukeratu dituzte.

Lurraren Zientzien lexikoa azken bost urteetan hasitako ildo baten jarraipena da, beste lau hiztegi tekniko ere argitaratu izan baitira aurreko urte hauetan:

• Matematikakoa.
• Fisikakoa.
• Astronomiakoa.
• Kimikakoa.
• Eta orain, Lurraren Zientziena.