Kodi eta Kodizaleak
Sareko ikus-entzunezko edukiak kudeatu eta ikusteko aplikazioa da Kodi, sarea, norberaren disko gogorra, eta etxeko telebista nolabait lotzeko balio duena. Euskaraz ere badago, eta erabiltzaile euskaldunek badute gainera softwareaz eta bere erabilpenaz tratatzeko (zalantzak, eduki gomendioak, euskaratzearekin jarraitu...) foro bat: Kodizaleak Telegrameko taldea.
Kodizaleak, Kodi erabiltzaile euskaradunon artean jakintza partekatzeko taldea, Telegramen antolatu zen duela hilabete zenbait, hemen aurkituko duzue: https://t.me/kodizaleak
Kodi software libreko plataforma da. Bateragarria da audio, bideo eta irudi formatu arrunt askorekin, erreprodukzio zerrendekin, audio bistaratzeekin, diapositiben aurkezpenekin.
Pluginak gehitu dakizkioke Kodiri, eta horien artean aipagarriak dira:
- EITB Nahieran-eko integratzekoa.
- Euskarazko irratiak integratzekoa.
- IAGL, aspaldiko jokoak integratzeko plugina (Donkey Kong eta halakoak): Bideo tutorial honetan azaltzen da nola erabili IAGL.
Beste tutorial bat, Kodiren erabilpen orokorrari buruzkoa eta euskaraz, hemen.
Erantzun
Sartu