Noka Mentoring, emakumezko zinegile potentzialentzat aukera
Noka Mentoring Eusko Jaurlaritzak sustatutako programa bat da, Hego Euskal Herriko emakumezko zuzendari berrien film luzeen proiektuak tutorizatu eta laguntzeko Praktikan, gauzatzen da hiru tutoreren laguntzan, formakuntza espezifikoan, eta 4.000 euroko laguntzan. Hautaketa prozesu bat egongo da, hiru emakumezkorentzako mentoretza hartzen baitu programak aurtengo edizioan. Izena emateko epea irekita dago jada.
Egutegia:
- Proiektuak jasotzeko deialdia 2021eko otsailaren 19ra egongo da zabalik.
- 2021eko martxoaren 12an jakinaraziko dira programan parte hartzeko hautatutako hiru proiektua.
Ondoren, hiru hautatuekin lanean jasiko dira hiru tutoreak: Elena Lopez Riera, Mar Coll eta Celia Rico. Eta lanari hiru fasetan ekingo diote:
- modulua (2021eko martxoa): zinemagilearen burua-gorputza. Zinema barrutik. Zergatik egin nahi dut film bat? Irudien eta soinuen desioa. + Ikus-entzunezko idazkera narratiboa. Tutoreekin egindako proiektuen aurkezpena profesionalek emandako saioekin konbinatuko da.
- modulua (2021eko maiatza): zuzendaritza-memoria idaztea. Proiektuaren zuzendaritza-txostena egiteko gakoak eta tresnak ezagutzeko saioak.
- modulua (2021eko ekaina): nola ekoizten dira filmak? Etapak eta urratsak. Jardunaldi teknikoagoak. Zuzendarien proiektu bakoitza landuko da, ideiak lurreratzeko eta ekoizpenari lotuago dauden alderdiak zehazten hasteko.
Informazio gehiago, eta izena-emateko baldintzen berri, Tabakaleraren webgunean. Izan ere, aurten Tabakalerak hartu du bere hain proiektuaren antolaketa, Donostiako Zinemaldiarekin, Euskadiko Filmategiarekin eta Elias Querejeta Zine Eskolarekin (EQZE) batera.
Erantzun
Sartu