Zakilixut hainbat estilotan
Joseba Larretxe Josevisky marrazkilariak hasi du haria Twitterren, proposamenarekin: omenaldi bat Antton Olariaga marrazkilariari eta bere pertsonaia Zakilixuti. Norberak bere estiloan marrazteko. Joseviskyk berak egin du ekarpena hemen erakusten duguna, eta proposamen interesgarri eta ederrak etorri dira gero.
Marrazkilari eta ilustratzaileen komunitateak erantzun du, eta horra adibide polit batzuk egile hauenak: Unai Gaztelumendi, Paula Estevez, Patxi Huarte Zaldieroa, Ainara Azpiazu (izenez Klitorixut deritzo honi).
Baina amateurren ekarpenak ere izan dira. Hona txiolari baten semearena:
Borja Ariztimuñok, hitzezko bertsioa eman du (filologoa baita):
Zakilixut < *zakil-i.xut
Lehen zatia sexu-/gernu-organo zintzilikaria da, eta amaierakoak, bustidura adierazkorraz (<zut) haren zurikortasunari egiten dio erreferentzia.
Bien arteko bokala irozkai fonetiko hutsa bide da, biribil (< *bil-i-bil) hitzekoa bezalatsu.
Eta Sustatu egiten duen CodeSyntax enpresak, ascii karakterez marraztu du berea.
Erantzun
Sartu