Euskaraz.com, euskarazko txat kanal bat berpizteko saioa
Aitor Lopez de Aberasturi ekintzaileak, Kaixo.com-en sortzaileak, euskarazko txat plataforma ireki bat (euskaraz.com) berriz ere martxan jartzeari ekin dio. 1997an sortu zen Kaixo.com, eta handik gutxira txata argitaratu zuen atariaren gehigarri gisa. Bere bidea egin zuen hark, baina tartean bere oinarri teknologikoa desagertu zen, eta akabo euskarazko txata. Gaur egunean, txat funtzioa, berriketa, Telegram edo Whatsapp aplikazioek hartu dute, komunikazio kanal gehigarri bat bezala, baina Lopez de Aberasturik uste dut merezi duela euskarazko txat-gela ireki eta kolektiboarekin berriro saiakera bat egitea, eta azpiegitura eraberritu bat prestatu du horretarako.
Kaixo.com-eko txat zaharra "Euskaraz egiten zen kanal bakarra zen, eta 200 lagun batera euskaraz idazten ikusteko aukera izan genuen. Denbora pasa zen, WhatsApp-arekin erabiltzaile kopuruak behera egin zuen, eta, hori gutxi balitz, erabiltzen nuen IRC zerbitzaria kendu zuten. Horrela bukatu zen euskarazko lehenengo txataren historia".
2020an, pandemiarekin, halako tresna batek berriz zentzua izan zezakeela pentsatu zuen Lopez de Aberasturik eta Chatzona izeneko apziegitura batekin saiatu zen, eta iragarpen batzuk egin arren, ez zuen lortu jende bilketarik.
Orain, beste saiakera banatuago bat egiten saiatuko da KiwiIRC izeneko IRC bezero librearen bidez. Kanal anitzak sor daitezke, eta Lopez de Aberasturik #euskaraz izenekoa proposatzen du. Euskaraz.com helbidean sartu eta bertan probatu dezakezue.
Baina aldi berean, iframe bidez txataren kanala beste webgune batzuetan itsasteko modua eskaintzen da. Hortik bere izaera banatua eta partekatua. Azalpen orrian agertzen da kode hori, eta probatzeko, guk albiste honetan bertan itsatsi dugu.
Informazio gehiago, #Euskaraz txata, azalpenak.
Erantzun
Sartu