Berrirakurketak eta zeharkako elkarrizketak haur eta gazte literaturan
Azaroaren 23 eta 24an Haur eta Gazte Literaturari buruzko kongresua izango da EHUren Bilboko Hezkuntza fakultatean. "Berrirakurketak eta zeharkako elkarrizketak" da biltzarraren lelo edo leitmotiva. Biltzarraren helburua haur eta gazte literaturako egokitzapenen, berridazketen zein berrirakurketen inguruan hausnartzea da. Hain zuzen, testuak literatura eta kritika ikuspegi berrietatik berrirakurtzeko asmoa dute.
Online jarraitu ahal izango da honako helbide honetan.
Maite Aperribai, Miren Ibarluzea, Mari Carmen Encinas eta Iratxe Esparza EHUko irakasleek antolatu dute topaketa, eta biltzarreko komunikazioak bertatik bertara eta sarean egingo dituzte.
Askotariko gaiak landuko dituzte Biltzarrean, hala nola:
- genero eta egitura aldaketak,
- jatorrizkoarekin elkarrizketan ari diren bertsioak,
- baliabideen translazioa formatuen arteko aldaketan,
- funtzio, esanahi, zentzu eta literatura motibo berriak esleitzea edo aldaketak egitea.
Erantzun
Sartu