Hitz zentroaren inaugurazioa
Hitz Zentroa aurkezten da ofizialki ostegun honetan, hilak 5. Aurkezpena ez da presentziala izango pandemia egoeragatik, baina streaming ekitaldiak egingo dira Hitzen egoitzatik, EHUren Donostiako Ibaetako kanpusetik. Hitz hizkuntza teknologien zentro berria da.
Hizkuntza teknologien arloko ikerketa, prestakuntza, transferentzia teknologikoa eta berrikuntza sustatzea du helburu Hitzek. Diziplina anitzeko taldea dira, informatikariz, hizkuntzalariz eta ingeniariz osatua. Egituran, Ixa eta Aholab ikertegiek parte hartzen dute.
Hitz martxan duela aste batzuetatik, baina aste honetan inaugurazio eta aurkezpen ofiziala egingo da. Ostegun goizeko ekitaldi protokolarioak egitarau hau du, 11.00etatik aurrera:
- HiTZ zentroaren aurkezpen bideoa
- Eneko Agirre, HiTZ zentroko zuzendaria
- Eneko Goia, Donostiako alkatea
- Jokin Bildarratz, Eusko Jaurlaritzako Hezkuntza sailburua
- Markel Olano, Gipuzkoako diputatu nagusia
- Nekane Balluerka, EHUko errektorea.
Goizekoa jarraitzeko streaming bidez, hemendik.
Eta arratsaldez, ekitaldi akademikoa, webinar edo web-mintegi eran:
- 15:00. Mintegiaren aurkezpena, German Rigau, Hitz-eko zuzendariordea. Eta Hitz-en aurkezpena, Eneko Agirre.
- 15:15. "The Birth of a New NLP Centre: Making the Most of a Newborn Technology", Eduard Hovyren eskutik. Hizkuntza prozesamenduko zentro berri baten jaiotza, etekinik handiena ateratzen teknologia jaio berri bati.
- 15:55. Galderak eta iruzkinak.
- 16:15. Amaiera.
Arratsaldeko mintegian izena emateko, hemendik.
Erantzun
Sartu