Korodata informazio bot euskalduna berritu egin da
Abuztu hasieratik dabil martxan Korodata ekimena, euskaraz Twitter eta Telegram bitartez, Covid-19 pandemiaz informatzen duen bot edo zerbitzu automatizatua. Urri erdialde honetan, aldaketekin dator. Batetik bere kolore kodeak eta graduak bateratu egin dira Eusko Jaurlaritzako eskalarekin, eta bestetik Telegram harpidetza aberastu egin da menu aukera berriekin, eta probintziaka emandako datuekin. EAEko datuekin dabilen aplikazioa izanik, Araba, Bizkaia eta Gipuzkoarako funtzionatzen du Korodatak.
Datuak Osakidetzak eta Eusko Jaurlaritzak ematen dituenak dira, buletin honetan agertzen den eskala erabiliz, eta azken aldian garrantzitsutzat jo den faktoreari begiratuz, zenbat PĈR positibo izan diren azken bi asteetan 100.000 biztanleko.
Tamalez, gorritasunera gero eta gehiago jotzen dute datuek, eta hor duzue gorago ilustrazio nagusi gisa Telegram harpidetzaren bidez Korodatak Gipuzkoari buruz eman digun azken grafikoa.
Telegrameko Korodata kanalak (T.me/korodatabot), menu bidezko aukerak ematen ditu. Herriz herriko grafiko bat eska dezakezu, edo EAE osokoak zein probintziakoak.
Probatu eta erabili, Twitterren: https://twitter.com/korodata
eta Telegramen: https://T.me/korodatabot
Erantzun
Sartu