Euskarazko Wikipedia Nafarroan garatzeko hitzarmena
Euskal Wikilarien Kultur Elkarteak (EWKE) eta Nafarroako Gobernuak lankidetza hitzarmena sinatu dute Wikipedian euskarazko kultur eduki digitalen sorkuntza, hedapena eta kontsumoa sustatzeko. 25.000 euroko diru ekarpena du akordioak, eta bere bidez EWKEk eta Euskarabideak (Euskararen Nafar Institutuak) elkarrekin lan egingo dute aurten Nafarroan "Wikipedia Euskaraz" programa ezartzeko.
Praktikan, zazpi hilabetez jardunaldi partzialean (%75ekoa) lan egingo duen wikilari bat kontratatuko da. Egitasmo posible batzuen zerrenda negoziatu dute Euskarabideak eta EWKEk eta hauek izan daitezke egiteko posible batzuk (zerrenda ireki bat da):
- Wikipediak Tokikomeko hedabideekin duen ekimenarennu garapenean, Nafarroan Ttipi-Ttaparekin lantzea gaia.
- WikiTakes Malerreka (edo beste eskualde batekin bestela): eskualde horretako argazkiak atera eta igotzeko ekimena
- Donejakue bidea Nafarroan: argazkiak eta dokumentazioa
- Nafarroako Unibertsitate Publikoan hezkuntza programa garatzea
- Udalerriekin lankidetzak aztertu
- Principe de Viana instituzio publikoak duen ondare datubasea lantzeko aukerak aztertu.
Tokiko eragile eta erakundeekin elkarlanean, Wikipediaren bidez Nafarroako kultur ondarea zabaltzen lan egingo da. Herriko toponimia, euskalkiak, istorioak eta monumentuak izango dira abian jarritako ekimenen protagonistak, EWKEtik adierazi dutenez.
Informazio gehiago, hitzarmenaren sinaketaren albistean.
/cache/Udako-Ola-2024_1_small_content.jpeg)
Erantzun
Sartu