Teknologia albisteak

Errezeta begano eta zero kilometrokoak, euskaraz azalduak

Sustatu

2020-07-28 : 09:34

Pandemiako konfinamenduko edo itxialdiko unerik gogorrenean, Hamaika Telebistan zenbait kolaboratzaile eta kazetarein saioak etxean hasi ziren egiten. Horietako bat Iñaki Ubiria sukaldaria izan zen. Errezeta beganoen saio bati ekin zion, eta azken asteetan egin zituenetarik asko Youtuben daude orain.

Artxibo polit bat pandemiak utzi diguna. Horra adibide batzuk:

Orburuak eta arroz pasta, saltsa gazi-gozoarekin lagunduta.
Arroz gehiago, kasu honetan, sasi rissottoa alberjinia, koko esne eta mentarekin
Albondiga beganoak: haragirik gabeak, jakina.
Sarrerako pare interesgarria, entsaladilaz beteriko tomateak eta arto krema.
Japonia aldeko proposamena, gyozak teriyaki saltsarekin.
Nazioarteko sukaldaritzatik etorri zaigun beste produktu bat, gero eta fama handiagoa duena geure artean: hummusa (txitxiroekin egiten den Ekialde Hurbileko jakia).
Postre gozo patea, mi mousse, marrubizkoa eta txokolatezkoa.

Artxibo osoa Hamaika Telebistaren artxinoan: Km0 errezetak. Beganoak izateaz gain, jakiak kilometro-zero filosofiarekin biltzen saiatzen baita Ubiria sukaldaria.