Fugaku, munduko super-ordenagailu berri eta indartsuena, Covid-aren aurka

Zabaldutako datuen arabera, 415 eta 513 petaflops gaitasuna du, eta horrek bikoiztu baino gehiago egiten du aurreko errekorra: Summit superordenagailu estatubatuarrarena. Era berean, Summitek baino askoz CPU edo ordenagailu-unitate bakan gehiago ditu lotuta super-konputazioan; 7.2 milioi Fugakuk, non Summitek 2.4 milioi dituen. Hala ere, CPU edo core kopurua ez da guztia, munduko 4. super-ordenagailuak, Sunway TaihuLight txinatarrak 10.6 milioi baititu, baina emaitza geldoagoarekin, 100 petaflops inguru.

Hona konparazio taula bat:

Ordenagailuaren indarra neurtzeko estandarra FLOPS delakoa da; koma higikorreko eragiketa-kopurua segundoko (Ingelesetik: Floating point Operations Per Second). Dagoeneko, etxeko ordenagailuetan ditugun prozesadoreetan dexenteko indarra egon daiteke, teraflops bateko txartel grafikoak ez dira arraroak, adibidez. Tera- eta peta- eskalak ulertzeko, hemen taula:

Ikusten den bezala, exaflops gaitasunetik gertu daude jada super-ordenagailuak.

Fugaku eta Summit ordenagailuen arteko beste desberdintasun eta antzekotasun batzuk:

• Erakunde publikoetan ari dira biak lanean, Fugaku Japoniako RIKEN delako ikerketa zentroan, Koben; eta Summit Tennessee estatuan (AEB), Oak Ridge National Laboratory.
• Azpiegitura informatikoa Fujitsuk egin du Japoniakoan, IBM-k Estatu Batuetakoan.

Fugakuren arduradunek egindako kalkulu batzuen berri eman dute jada:

• Tracking aplikazioekin kontrolatu nahiko bagenu Covid pandemiaren hedapena, populazioaren %60a erabiltzaile aktiboa izan beharko litzateke gutxienez.
• Isurtzen ditugun mikrotantetan dauden birusek uste baino distantzia handiagoa lor dezakete, eta gehiago iraun.