Posta bidezko botoa emateko, adi jatetxeko datuei (WTF?!)
Datorren uztailaren 12ko EAEko hauteskundeetara posta-bidez botoa emateko prozedura irekita dago. Agiri bat bete behar da eta harekin Espainiako Correos erakunde bulego batera joan. Bulegoetan agiriaren beste bertsio bat ote dagoen ez dakigu, baina web bidez Correosek eta INE erakundeek banatzen dutena, euskarazko oker ortografikoz eta absurdokeria batzuekin hornituta dator. Adibidez, "hrremanetan jatetxeko datuak" (sic). Lasai, aukerakoa da hori ematea (eskerrak).
Botoa postaz emateko, orain arte bi bisita egin behar ziren Correos-era, baina orain batekin nahikoa da, baldin eta web bidez dokumentuak jaitsi eta horiek inprimatuta eramaten badituzu.
Euskadi.eus-eko hauteskundeei buruzko webgune informatiboki penagarriak ez du horren berri ematen, baina guk aurkitu dugu nondik lortu eskabide-orria:
- Correosen webgunetik (baina ziurtagiri modukoren bat behar da).
- INE Espainiako Estatistika Erakundetik, datuak betez lau urrats/orriko formulario batean (ez da ziurtagiri elektronikorik behar).
Eta hara, dokumentua batere zainketarik gabe dago editatua, auskalo nola sartu diren euskarazko terminoak. Ion Lizarazu informatikariak egin du akatsen bilduma bat Twitterren, hona laburtuta dakarkizueguna. Esate baterako, eskatu aditzarekin ezin aklaratu nola idazten den:
Espazioak aukerakoak dira euskaraz hitzen artean:
Eta jatetxearena (jatetxeko < jartzeko; susmatzen dugu).
Eskabide orriaren PDF kopia bat gorde dugu hemen, ikus dezazuen.
Erantzun
Sartu