Hezkuntza Librezale topaketak, koronabirusaren krisia eta burujabetza teknologikoa
Hezkuntzan Librezale taldeak bi jardunaldi antolatu ditu datozen bi asteetan, telematikoak (bideo eta txat zuzenekoak), hezkuntza alorreko egoeraz hausnartzeko (koronabirusaren krisiaren ondorioak) eta bereziki burujabetza teknologikoak alor honetan duen garrantzia azpimarratzeko.
"Hezkuntzan librezale, zerbitzu publikoa, kode publikoa": goiburu hori du topaketa bikoitzak eta bi egunetan garatuko da, enfoke desberdinekin.
Ekainaren 11n, 18.00etan: Zelan bizi izan du konfinamendua hezkuntza komunitateak. Partaide hauekin;
- Sonia Ortiz de Arri. IKT aholkularia Donostiako Berritzegunean.
- Maria Fernandez Irisarri, HH eta LJko ikastetxe idazkaria.
- Juan Ezeiza, Batxilergoko filosofia irakaslea.
- Egoitz Gonzalez, LHko informatika irakaslea.
- Moderatzaile gisa, Mikel Gartzia Santamaria.
Ekainaren 18an, 18:00etan: Burujabetza teknologikorako hezkuntza irudikatzen. Partaide hauekin:
- Miren Berasategi. Deustuko Unibertsitateko irakasle eta ikertzailea.
- Alex Gabilondo. IKT aholkularia Irungo Berritzegunean.
- Dabid Martinez, aktibista.
- Moderatzailea: Nora Salbotx.
Topaketak plataforma birtual honetan egingo dira, konektatzen direnen txat erako parte-hartzearekin.
Hurbilpen bezala ondo egon daiteke gogoratzea nola abenduan, Durangoko Azokan, hezkuntzan software librea erabiltzearen aldeko aldarria kaleratu zuten.
Informazio gehiago, hemen.
Erantzun
Sartu