Bertsolaritza pandemian: krisia eta etena, baina ekimen berriak ere bai
Bertsozale Elkarteak bertsolaritzaren jardueraren analisi bat egin du, koronabirusaren itxialdiak dakarrena gordin adieraziz. Baina zulotik irteteko ekimenak eta ideiak ere plazaratu ditu. Horietako bat gaur estreinatuko da, Plaza saioa online, Bertsoa.eus-en bitartez, gaur maiatzak 2, 18-30tan.
Bertso-saioen etena da, logikoa den bezala, bertsolariek pairatu duten lehen kolpea, grafikoak erakusten duen bezala. Horiez gain, Bertsozale Elkarteak butzatuako beste ekimen hauek ere bertan behara geratu dira:
- Bertso Udalekuak eta barnetegiak
- Haizea dator
- Sakontze Bertso Eskola
- Eskolatik Plazara
- Bertso Eskolen Egunak
- Bertsulari Ttiki
- Elebidunen ikasturte bukaerako Besta Eguna.
Atzerartu egingo dira neste hainbat ekimen (Arabako Bertso Kuadrilla Artekoa; Bardoak; Bizkaiko Txapelketako Udabarriko fasea; BBK Sariketa; Eskolartekoa...), epea luzatu da baten batean (Pello Mari Otaño bekako deialdia), eta ikuskizun dago beste batzuk egin ahal izango diren (udako ikastaroak unibertsitateekin, Hernandorena Sariketa; Ahalduntze Bertso Eskola...)
Baina beste alde batetik, beste zenbait ekimenekin aurrera begira jarri dira:
- 45.000 euro bideratuko ditu Elkrteak plaza indartzeko eta bertsolarien zaurgarritasun egoera leuntzeko.
- www.bertsoikasgela.eus prest zegoenez, hezkuntzaren jarraipen telematikoan lanik egin ahal izan da.
- Bertsoa.eus-en bitartez, ekimen berriak abiatu dira hala nola Potokasta (bertsolari gazteei elkarrizketak, saioak online egiteko aukera (Plaza deitu diote), eta Bidaiak izeneko molde berriko saio batzuk, asteazkenetan.
Saio berritzaile horiei buruzko informazioa hemen, eta Bertsozale.eus-en informazio gehiago itxialdiak eragindako egoera honetaz.
Erantzun
Sartu