Teknologia albisteak

Euskal Herria Batera: Aberri Eguna etxetik aldarrikatzeko dei bat

Erabiltzailearen aurpegia
Sustatu
2020-04-06 : 09:39

Euskal Herria Batera izeneko ekimena aurkeztu dute mugimendu abertzale batzuek datorren apirilaren 12an, Aberri Eguna denean, egun hau beste era batera ospatzeko, osasun larrialdia medio.

Zenbait ekimen aurkeztu dituzte. Batetik, igandea bitartean nork bere irudi edo atxekimendua bidali dezala argazki bitartez. Ideia mosaiko erraldoi bat osatzea da. Horretarako, bideoz, hainbat lagunen mosaiko ikus-entzunezkoa osatu dute jada erakusgarri gisa:



Ondoren, igandean, zera eskatu dute:

  • Leiho eta balkoietan ikurrinak eta Nafarroako ikurrak jartzea galdegin dute. "Nahi bada" xingola beltzarekin, "joan direnen omenez".
  • 12.30ean minutuko isilunerako deia egin dute eta ondoren balkoietatik 'Txoria Txori' kanta abesteko.

Ekimenak dioenez, "Une gogorretan azaleratzen da herrien txarrena eta onena (...). Gaur egun, nazio eraikuntzak behar du oinarrian komunitate bat, guztion bizitza duina eta eskubide orinarrizkoak bermatuko dituena; eta baita pertsonen arteko berdintasuna nahiz elkarrenganako zaintza eta errespetua sustatuko dituena."

Informazio gehiago, aberrieguna2020.eus

Erantzun

Twitter ikonoa  Facebook ikonoa  Sartu