Wikipediako edizio-lehiaketa berriak, sari seguruarekin

Lau alorretan editatzera gonbidatuta gaude guztiok:

• Wikipedia guztiek izan beharreko artikuluen zerrenda osatzen.
• Euskal Herriko udalerrietako informazioa.
• Emakumeen biografiak.
• Eta Txikipedia bera.

Lau lehiaketa paralelo dira beraz, eta izen eman beharra dago batean edo bestean. Eta lehiaketa urte amaierara arte luzatuko da lau kasuetan.

Sari segurua pixka bat editatuz gero

Aldea dago aurreko lehiaketekin gauza batean: opari bat bederen seguru duzu mila puntu batuz gero. Lehiaketaren batean 1.000 puntu lortzen dituzun lehen aldian liburu bat erosteko bono bat jasoko duzu (lehiaketa batean baino  gehiagotan lortuz gero mila puntu, bakarra da saria, dena den.

Gero lehuaketa bakoitzak izango du sari bana puntu gehien duenarentzat. Baina lau lehiaketetako puntuak metatuta, zozketa ere izango da bi sari emateko: kau lehiaketatan lortutako puntuak batuko dira eta 1.000 punturo (borobilduko da) boleto bat lortuko du partehartzaileak zozketan parte hartzeko. Gero eta puntu gehiago izan, orduan eta aukera gehiago irabazteko.

Nola lortzen dira puntuak?

Orriak edukiz hornituz, erabiltzaile erregistratu batekin egiten duzun bitartean (eta erabiltzailea lehiaketa bakoitzean alta emanda dagoela ziurtatu, adibidez hemen). Gero, lehiaketa batetik bestera ñabardurak egon daitezke baina, oro har, honela esleituko dira puntuak:

• 5 puntu orrialde berri bat sortzeagatik (birzuzenketak kenduta: udalerrien lehiaketak ez da egongo orri sorkuntzarik, ze Euskal Herriko guztiek badute gutxieneko orri bat).
• 0,005 puntu gehitutako byte bakoitzagatik (karaktere kopuruaren neurketa bat da, kode bidezko aginduak barne).
• 0,02 puntu gehitutako hitz bakoitzagatik
• 50 bonus puntu 500 hitz gehitzen bazaizkio orrialde bati.
• 2 puntu erreferentzia berri bat gehitzeagatik eta 0,5 puntu jada existitzen den erreferentzia bat berrerabiltzeagatik.
• 5 puntu gehitutako irudi bakoitzagatik (15 norberak igotakoak badira), baina ez da emango 30 puntu baino gehiago orrialde bakoitzean. Puntu inportantea: irudi librez hornitzea Wikipedia inportantea da eta baloratua dago lehiaketan.

Hortaz, bada, animatu!