Teknologia albisteak

Literatur Kibiztak, LGTBQ gaiei buruzko gogoetak Zarautzen

Sustatu

2020-03-01 : 10:34

Zarauzko Kibizta LGTBI+ taldeak literatura zikloa hasiko du herrian, Garoa liburudendan asteartero hitzaldi eta abarrak egingo dituzte, 19.00etan, martxoaren 3an hasita. Literatur Kibiztak deitu diote zikloari.

Hauxe da egitaraua:

Martxoak 3, 19.00etan. Buztinezko etorkizuna irakurraldi musikatua, Itxaro Bordaren eskutik, IbonRG musikariarekin, irakurketa girotzen sintetizadore hotsez.
Apirilak 7, 19.00etan. Moio. Gordetzea ezinezkoa zen; liburuaren aurkezpena autorearekin: Kattalin Miner. Memoria intimoa eta transfobiaren salaketa politikoa biltzen dira lanean.
Maiatzak 5, 19.00etan. Aterkiak, hiriak eta zauriak goiburuarekin, hitzaldia Ibon Egañaren eskutik. Zera da gaia: Euskal nobeletako LGTBQ bizitzak. Horien gaineko ibilbide orokor bat egingo du kritikariak, zer irudikapen egin diren, zer ikuspegi eta zer gai landu diren...
Ekainak 2, 19.00etan. Lerro etena, liburua aurkezpena, Angel Erro autorearekin. 2004 eta 2018 bitarteko bere egunerokoen pasarteak eta garai bereko beste zenbait testu pertsonal biltzen ditu liburuak: kultur giroari buruzko gogoetak, literatur inguruko txutxumutxuak, familia-kontuak, gorabehera sentimentalak, osasunari edo lanari loturiko kezkak, irakurketak, iruzkinak, txantxak....

Hitzaldi guztiak, Zarauzko Garoa liburudendan (Trinitate, 7).