Teknologia albisteak

Espainiako Telediarioen edukietan bilatu

Erabiltzailearen aurpegia
Sustatu
2020-02-28 : 09:01

Eduki libreen hedapena xede duen elkartea da Civio, eta tresna bitxi bat kaleratu du hilabete honetan: Espainiako telediarioetako edukien bilatzailea. Telediarioak dira Espainiako TVE kate publikoko albistegiak, eta nonbait beraien albisteak testu-gisa dituzte indexatuta. Horrela egin ahal izan dute Verba izeneko bilatzaile hau. Google News Initiative ekimenaren dirulaguntza batekin garatu dute.

2014tik gaurdainoko telediarioak dira bilatu daitezkeenak. Bilaketa egin eta emaitzetan, bideora joan zaitezke, edo kontestuaz gehiago jakin, albisteetako esanak eta segunduak dokumentatuta baitaude.

Euskera bilatu dugu, eta Atxaga errezitatzen aurkitu, adibidez.

Euskal pertsonaia publikoak aurkitzekotan, adi Otegi eta Otegui bi moduetan idatz dezaketelako (kurioski, Otegi gehiago).

Espainiako kontestuari begirako bilaketa batzuk egin dute tresnaren sortzaileek eta zenbait datu atera dituzte hortik:

  • Messi edo Trump berdintsu daude pertsonaia aipatuenen artean, baina Mariano Rajoy askogatik gailentzen zaie.
  • Espainiako eskandaluetan, Gurtel delakoa (PPren ustelkeria) eta ERE kasua (Andaluziako PSOEren ustelkeria) berdinduta daude
  • Larrialdi klimatikoa (crisis climática terminoen arabera), arreta gutxiko gaia izan da harik eta 2019an urtean eztabda egin duen arte.

Verbak eskaintzen dituen baliabideen artean, emaitzak CSV eran jaistekoa. Hemen ETA bilaketa, ikusiko duzue nola grafikoaren eta emaitza zerrendaren artean CSV esteka dagoen, hor klikaturik datu-base batean prozesatzeko moduko testu bat lortzen duzu (!).

Erantzun

Twitter ikonoa  Facebook ikonoa  Sartu