Teknologia albisteak

IEB2020rako komunikazio deialdia: Adimen Artifiziala eta beste

Erabiltzailearen aurpegia
Sustatu
2020-02-09 : 15:00

UEUko Informatika Sailak antolatzen duen Informatikari Euskaldunen Biltzarra (IEB) berriro da egitekoa aurten, maiatzaren 21ean. Bilkuraren ardatza edo leitmotiv nagusia "Adimen Artifiziala" izango da, eta horretara begira komunikazio deialdia ireki dute. Martxoaren 2a arte dago epea.

Adimen artifizialak hartzen ari den indarra hainbat gertaeretan ikus daitekeela dio UEUk bere deialdian:

  • Europan, Espainian eta EAEn prestatzen ari diren anbizio handiko planetan
  • Txina eta AEBren artean gertatzen ari den lehia arloko lidergoa hartzeko
  • Informatikaren enpresa erraldoiak arloan inbertitzen ari direna
  • Adimen artifizialak eta robotizazioak ekonomian eta lan egiteko moduetan izango duen eraginaz dauden eztabaidak
  • Unibertsitatean eskaintzen zaion gero eta interes handiagoa (horren erakuslea da UPV/EHUko Informatika fakultatean ere gradu berri bat jarriko dela martxan adimen artifizialaren inguruan)

Horrekin batera, gaur egun, medikuntzak, hezkuntzak, administrazioak, industriak eta bestek robotikan, hizkuntzaren prozesamenduan –itzulpen automatikoan, ahotsaren ezagutzan eta sintesian…–, ikusmen artifizialean eta abarretan egindako aurrerapenak baliatzen dituzte beren helburuak hobetzeko.

Hortaz, komunikazioak gai horien inguruan aurkeztu daitezke, baina ez, jakina, adimen artirizialaz bakarrik: Informatikan euskaraz jardutearekin lotutako gainerako gaiak ere onartuko dira.

Komunikazioak aurkezteko moduaz informazio gehiago eta instrukzioak, hemen.

Ilustraziorako irudia, bideo honetatik atera dugu.

Erantzun

Twitter ikonoa  Facebook ikonoa  Sartu