Euskararen Jedia izateko tutoriala

Hernanin, euskararen ezagurza %77koa da, baina kaleko erabilera neurria %30ekoa.

Aurten abenduko Euskaraldira begira, Euskara Ari Du Hernaniko herri dinamikak eta Dobera Euskara elkarteak elkarlanean jardungo dute. Ahalegin horri udala ere gehituko zaio, eta "Piztu pilotua" izeneko bideo sorta prestatuko du herritarrak animatzeko. Sorta horretako bideoa da hau, Euskararen Jediarena.

Aholkuen artean, honakoak:

• Denda batean sartzean, egizu lehen hitza euskaraz.
• Lagunarekin geratuta, hura euskalduna dela jakinik, eta tentazioa edo ohitura erdararako bada, saiatu ea euskaraz egiten.
• Zure euskara maila ez baduzu on-ontzat, eta laguna azkarregi ari zaizula uste baduzu, ez lotsatu eta esan motelago egiteko, baina bai, euskaraz egitea eskertzen diozula.

Youtubeko aleaz gain, jaisteko moduan ere jarri dute bideoa Google Driven, hemen.