Teknologia albisteak
Interneteko testuaren garrantzia, Nortasuna Sarean jardunaldian
Sustatu
2020-01-19 : 09:14
Komunikazio digitalari buruzko Nortasuna Sarea jardunaldia berriro ospatuko da aurten, Donostian, urtarrilaren 29an (asteazkenarekin), arratsaldez, Tapuntu elkarteak antolatuta. Sarerako idatzi beharreko testuen ezaugarriei buruzkoa izanfo da aurtengo edizioa, "Adi testuari" lemapean. Jardunaldi honen 5. edizioa izango da 2020koa.
Donostiako Koldo Mitxelena kulturunean, 18:30etan. Goiburu hau emanda, "Nola bete kutxa hutsa sareetan? Atera etekina testuari", bi hizlari izango dira lehenbizi:
- Noelia Gimenez, Redactora.net-eko copywriter edo testu-arduraduna.
- Usoa Agirre, Artemaneko komunikazio aditua.
Ondoren, mahainguruan jardungo dute:
- Jone Bengoa Sastraka, ilustratzailea.
- Jon Ordoñez, Berria egunkariko Internet saileko burua.
- Estitxu Zabala, kazetaria eta sareen arduraduna Donostiako Zinemaldian.
Izena ematea doakoa da, hemen informazio gehiago.0
Erantzun
Sartu