Herri komunikaziorako gakoak (ikastaroa): kartelgintzan, bideogintza, sareak...
Izan Media herri komunikazio tailerrak antolatuko ditu Hala Bedi irratiak, urtarrilaren 17 eta 18an, Gasteizen, Oihaneder Euskararen Etxearekin batera. Tailer hauen helburua, komunikabide handiek jartzen dituzten gero eta traba handiagoei aurre egiteko hazia ereitea da. Herri mugimenduak zein norbanakoak komunikazioaren arloan ahalduntzea eta, bide batez, Hala Bediren proiektu komunikatiboan inplikatzea.
Ostiraleko (hilak 17) helburua izango dira pistak ematea prentsarekin harremanak eta sare sozialak kudeatzeko. 17.00etatik 20.00etara izango da hitzordua Hala Bedi irratiko ondoko lokalena.
Larunbatean, hilak 18, goiz eta arratsaldeko saioetan, hiru puntu landuko dira:
- Bideogintza. Audioa eta irudiak grabatzeko oinarrizko kontzeptuak ikasi eta tailerretako irudiak grabatu ostean, bideo baten ediziorako gakoak landuko dira. Azkenik, formatu jakin batean esportatu eta sare sozialetan zabaltzeko aukera ezberdinak ikasiko dira.
- Kartelgintza. Tailer praktikoa: kartel bat nola hasi, irizpide ta kontzeptu praktikoak, diseinu grafikorako programa bat nola erabili, eta esportatzeko eta zabaltzeko edota inprimatzeko aholkuak.
- Irratigintza. Baliabide desberdinen lanketa: kuña bat nola egin, mahai tekniko bat nola kontrolatu, nola lokutatu…
Tailerretan parte hartzeko, aldez aurretiko izen-ematea beharrezkoa izango da, hemendik. Azken eguna urtarrilaren 11a da. 10 euro dira, baina ikastaroarekin batera USB txiskeroa ere banatuko zaie parte hartzaileei, tailerren eduki teoriko eta hainbat baliabideekin.
Informazio gehiago, hemen.
Erantzun
Sartu