Interneteko WWW, web edo amaraunaren asmatzaileak, Tim Berners-Leek, Sarerako Kontratua (Contract for the Web) deritzon ekimena aurkeztu du. Sarearen potentzial positiboa hainbat faktorek arriskuan jartzen duela uste du Berners-Leek. Kontratuaren helburua da manipulazio politikoa, fake news bezalako fenomenoak, pribatutasunaren haustura eta jazarpena bezalako joerei aurre egitea.
Kontratua publiko egin aurretik, hainbat erakunderen babesa bilatu izan du Berners-Leek. Batzuk askatasun digitalen aldeko elkarteak dira, hala nola Electronic Free Foundation delakoa. Baina beste batzuk, Facebook edo Google bezala, jopuntuan jarri dituzte hainbatek indar monopolistikoen bidez Interneten irekitasuna kaltetzen dutelakoan.
Kontratuak bederatzi "printzipio" proposatzen ditu, hiruna gobernuentzat, enpresentzat eta norbanako edo herritarrentzat. Bakoitzak bere konpromiso edo printzipioari eusten badio, suposa liteke Internet onuragarri baten alde egingo dugula.
Printzipio bakoitza eta webgune nagusia, garatua dago lau hizkuntzatan (gaztelania eta frantsesa barne). Hemen zortzigarrena, adibide gisa. Guk bederatzien izenburu edo enuntziazioa euskaratu dugu, "kanonikoak" izateko gogorik gabe. Izatez, zalantza dugu kontratuaren izenarekin ere: Amaraunerako Kontratua edo Sarerako Kontratua? Tira, horra kontratuaren oinarriak:
Gobernuentzako egitekoak:
Enpresentzako egitekoak:
Herritarrontzako egitekoak:
Erantzun
Sartu