Teknologia albisteak

Berrikuntzaren astea Donostian

Sustatu

2019-10-26 : 08:04

Larunbatean jasiko da Donostiako WeekInn, Berrikuntzaren Astea, nazioarteko osagarri batekin 6. edizio honetan. 50 jarduera baino gehiago izango dira hiriko 30 egoitzatan banatuta: nazioarteko 150 bat aditu, enpresa, ikerketa-zentro, elkargo eta sektore ezberdinetako agenteren hitzaldiak eta doako saioak.

Urriaren 26a eta 31 bitartean egingo dira jarduerak. Programa osoa hemen kontsulta liteke, baina jarduera batzuk nabarmenduko ditugu hemen:

Nola izan familia zibersegurua. Familientzako segurtasun aholkuak, EuskalHack elkartearen eskutik, larunbat goizean, Loiola kalean (San Martin merkatua)
Robotika lantegia gaztetxoentzat (9 urtetik aurreras), Arcco Amara merkataritza zentroan zenbait ordutegitan asteburuan zehar.
Donostia Innovation Challenge, hiriko 11 ikastetxeren arteko lehiaketa edo erakusketa, teknologia disruptiboen erakustaldiarekin, Kursaal jauregian astelehenean.
Ezagutu emakumeak buru dituzten Donostiako proiektuen aurkezpena, hizlari hauekin: Estefania Carrasco (IIS Biodonostia), Susana Carregal (CIC biomaGUNE), Maia Garcia Vergniory (DIPC), Angela Araujo (IIS Biodonostia). Baga Biga faktorian, astelehen arratsaldean (Ramon Maria Lili kalea, 8).
Gastronomia eta Berrikuntza. Jardunaldia astearte goizean MiMo sukaldaritza aretoan (Okendo kalea, 1)