Gerra Zibila Gipuzkoan: memoria tailerrak

Memoria-tailer parte-hartzailearen metodologia Antoni Nicolau historialari eta erakusketaren komisarioak diseinatu ditu. Tailer horiek adin desberdinentzako eskaintza didaktiko zabal batean kokatzen dira, eta bisitaldi gidatuak eta jokoak eskaintzen dituzte, historiara beste modu batean gerturatzeko.

Tailerretako informazio orrietan ez da ezer esaten zein hizkuntzatan izango diren tailerrok. Sustatuko editore Luistxo Fernandezek tabarra dexente eman behar izan du erantzuna jasotzeko "elebidunak" izango direla. Hauxe da Twitterretik jaso duen azken informazioa:

"Tailerretan dinamika bat prestatu dute non bitartekariek bi hizkuntzatan landuko dute saio osoa. Hau da, saio osoa bi hizkuntzetan ulertzeko prestatu da. Era berean parte hartzaile bakoitzaren lehentasunak kontutan edukiko dira."

Tailerrak izango dira ostiral eta larunbatetan, lehen biak bihar eta etzi, irailak 27 eta 28. Ostiraletakoak izango dira 16:30etatik 20.00etara, eta larunbatekoak, 11.00etatik 14.00etara. Izena-emateko, hemendik (ez dute daturik eskatzen ea euskaraz ala gaztelaniaz jardungo duzun).

Lantegien egitura honela izango da:

1. Sarrera

2. Lehen hurbilketa

2.1. Galdera eta eztabaida proposamenak

2.2. Ideia giltzarriak zehaztea

2.3. Ideia giltzarriak ikustea eta ondorioak ateratzea

3. Atsedenaldia

4. Bigarren hurbilketa

4.1. Galdera eta eztabaida proposamenak

4.2. Ideia giltzarriak zehaztea

4.3. Ideia giltzarriak ikustea eta ondorioak ateratzea

Loturak informazioarekin:

• Erakusketaren irekiera. Astearteetatik larunbatera dago ikusgai, 11.00-14.00 eta 16.00-20.00 tarteetan.
• Erakusketaren eskuorria.
• Memoria tailerrei buruz.
• Memoria tailerretan izena emateko.