Meta! izeneko egitasmoa duela urte batzuk Gipuzkoan martxan jarri den mikro-mezenasgo ekintza da. Zera da kontua: proiektu batzuk aukeratzen dira, eta bakoitzak crowdfunding bidez dirua lortzeko ekimena martxan jartzen du. Baina jasoko duten dirua ez da hori bakarrik: Foru Aldundiak crowdfunding-ak lortutakoa berdinduko du (4.700 euroko tope batera arte).
2019ko edizio honetara 38 proiektu aurkeztu ziren. Onarpen irizpideak betetzen zituztenak 35 izan dira, eta horiek ebaluaturik, onarpena eman zaie 14 proiekturi. Dagoeneko ireki da crowdfunding kanpina ekimen hauetan guztietan, Goteo plataformaren bidez. Urria amaitu arte iraungo du kanpainak, eta hortaz, bakoitzak lortzen duena bikoiztuko du Gipuzkoako Foru Aldundiak (4.700 euro arte).
Hauek dira ekimenak:
- Pio, Zegamako jubilatu bat. Liburua idatzi nahi du, Las historias de Pío.
- Kamerata EusKdivarius musika klasikoko taldeak, Beethovenen jaiotzaren 250. urteurrena ospatu nahi du 2020an, 9. sinfoniaren sustapen berezia eginez.
- GauGau eskulanen estudioak Lasarte-Orian formazio plan bat abiatu nahi du.
- MA project, artilezko produktu jasangarriak familiarentzat, Slowfashion proiektu bat.
- Iñaki Sainz de Murieta (Donostia, 1985) idazlearen "Las aventuras de Kanide" bildumaren bost liburu euskaratu eta plazaratzea.
- Irungo historia landu, bertako jaietako erraldoien bidez.
- Faster, Puxika: laburmetraia proiektua, Glovo, Deliveroo eta antzeko banaketa sistema esplotatzaileak salatzeko. Artikulu hau ilustratzeko aukeratu dugun proiektua.
- Veggie Karma, Gipuzkoako txakolinarekin beratutako barazki gaztak (!) sortzeko proiektua.
- Joskintza tailer begirunezko eta justua sortu nahi dute Bangladeshen. Bask markaren bidez, There is Someone Behind deritzo proiektuari.
- Izadi Eskola Librea, haurren hezkuntza eta hazkuntza agian alternatiboa.
- Plastic Family komikia, zaborrak gutxitzeko kontzientziazio helburuarekin.
- Azpeitiko Kulturaz kooperatibaren bidez, dokumental bat trikitixaren aro jakin bati buruz: Errautsak hauspotzen.
- Gogoan elkartearen Gipuzkoako memoria bakezalearen artxiboa. Bakearen eta giza eskubideen alde egindako lanaren ikus-entzunezko artxiboa.
- Erretatu nomadak: Gipuzkoako herri txikietako biztanleei ateratako argazkiekin artxibo bat sortzea, argazki estudio nomada baten bitartez.
Informazio gehiago, hemen.
Erantzun
Sartu