Telesforo Monzon eLAB Euskal Herrigintza Laborategia
Gaur aurkeztu da Bergaran "Telesforo Monzon eLAB Euskal Herrigintza Laborategia" delakoa, think-tank euskaldun baten eran: "Euskal estatu baterako ideia-laborategi bat da", azaldu dute aurzkepean. Iratxe Esnaola da laborategiko presidentea, eta Urko Aiartza zuzendaria. Ez dirudi oraingoz webgunerik duenik ekimenak (guk ez dugu aurkitu behintzat). ZUZENKETA, 2019-09-16: Badu webgunea, TelesforoMonzonLab.eus. Eskerrik asko zuzendu digun lagunari (erantzunetan).
Egitasmoa "Euskal Herriaren garapenean estrategikoak diren jakintza esparruetan proposamen kualifikatuak egiteko ideien laborategia" da, "estatugintzak eskatzen duen kapital erlazionala eta jakintza sortzeko gunea". Haren lan ildo nagusiak izango dira globalizazioa, identitatea, ongizatea eta lurralde kohesioa.
Proiektuak "Telesforo Monzonen bizitza gidatu zuten balioak" ditu oinarri, sustatzaileen arabera. Alegia:
- "Batasuna eta elkarlana",
- "Herri honekiko eta bertako herritarrekiko konpromisoa",
- "Belaunaldi berrien ideia eta kezkekiko irekitasuna",
- "Zorroztasuna, analisian eta horien azalpenean"
- "Sormen gaitasuna".
Egitasmoa "Euskal Herriaren garapenean estrategikoak diren jakintza esparruetan proposamen kualifikatuak egiteko ideien laborategia" izango da, eta lan ildo nagusiak hauek:
- Globalizazioa,
- identitatea,
- ongizatea eta
- lurralde kohesioa.
Ideia laborategiaren aurkezpena Monzonen jaioterri Bergaran izan zen, zehazki, bere jaiotetxean bertan, Olaso Dorrea, Laborategia bultzatzen duen elkartea Olaso Dorrea fundazioa baita. Hona ekitaldiaren kronika bat, Goienan. (goiko irudia, Goienaren bideotik).
/cache/Udako-Ola-2024_1_small_content.jpeg)
Sarean ere ikusgai dago Telesforo Monzon eLaborategiaren webgunea:
https://telesforomonzonlab.eus