Literatura mintegi feminista Hernanin
Emakumeen euskal literatura ikuspegi feministatik tailerra eskainiko du Kattalin Minerrek irailaren 17tik aurrera Hernanin. Minerrek berak azaldu duenez, «euskal, eta zehazki, euskerazko emakume idazleen lan garaikideak ikuspegi feminista batetik irakurtzeko tailerra izango da hau. Helburua da euskal emakume idazleak ezagutaraztea, eta egun garatzen diren kezka, diskurtso eta proposamenak denen artean hausnartzea eta horiek, genero ikuspegi eta ikuspegi feminista batetik irakurtzea».
Lau saiotan egingo da mintegia, eta saio bakoitzean liburu bat landuko dute partehartzaileek. Saioak 19:00etan izango dira Hernaniko udal liburutegian.
- Iralaren 17an, Eider Rodriguezen Bihotz Handiegia;
- urriaren 15ean, Uxue Alberdiren Jenisjoplin;
- azaroaren 12an, Katixa Agirreren Amek ez dute;
- eta abenduaren 17an, Alaine Agirreren Odol Mamituak.
Izen-ematea (16 urtetik aurrerakoentzat) aurrez egin behar da Hernaniko Liburutegian bertan.
Hemen ikastaroari buruzko txostena (PDF).
Erantzun
Sartu