Astelehenean abiatu zen 2019ko EuskarAbentura espedizioa Mauletik, eta iraungo du uztailaren 31a arte. Ehun eta hogei nerabek hilabetean Euskal Herria zeharkatuko dute, gure txokoak, kultura eta historia hobeto ezagutzeko. Euren jarduna sare sozialetan partekatzen dute, baina aurten, berritasun gisa, aplikazio bat daukate (Android eta iOS), informazio esklusiboa partekatzen duena, senide, lagun eta EuskarAbentura jarraitu nahi dutenek zuzeneko informazioa eduki dezaten. CodeSyntaxek garatu du aplikazioa.
Aplikazioaren helburua da EuskarAbentura oso gertutik jarraitzeko aukera eman eta bere inguruan komunitate bat sortzeko ahaleginean laguntzea. Tresnak ondorengo informazioa eskaintzen du:
Mapa batean erakusten da espedizioarekin loturiko informazio geografikoa:
Izen hau duen atalean biltzen ditugu espediziokideek sortzen dituzten gertaera edo albisteak. Ondoren azalduko dugun moduan, albisteak backend-etik edota berariaz prestatu diegun aplikazio pribatu batetik publikatu daitezke.
Hilabete honetan egingo dituzten etapa guztien informazioa eskaintzen du aplikazioak, bakoitzaren datu tekniko, ibilbidea eta mapa, profila eta lotuta dituen gertaerekin.
"Nor da nor" atalean partaideen inguruko informazioa ematen dugu, bakoitzaren argazkia, aurkezpen bideoa eta galdera-erantzun batzuk erakutsiaz. Atal honek sailkatuta erakusten ditu espediziokideak: nerabeak, begiraleak eta gonbidatuak. Halaber, bilatzaile baten bidez gure herrikorik ba ote dagoen kuxkuxeatu dezakegu.
Aplikazioa deskargatu duen erabiltzailea gurera erakartzeko modu eraginkorra eskaintzen dute jakinarazpenek, eta gure azpiegitura teknikoak aukera ematen dio EuskarAbenturako lan-taldeari albiste edo gertaeren inguruko jakinarazpenak bidaltzeko. Horrela, gertaera deigarriren bat dagoenean, norbanakoei esan diezaiekegu "hey, begira zer gertatu berri den EuskarAbenturan, ikusi, ikusi!".
Guzti hau posible izan dadin ondorengo azpiegitura teknikoa eraiki dugu:
Instalatu dezakezu Euskarabentura aplikazioa Google Playn Androiderako eta Apple dendan iPhoneetarako.
Erantzun
Sartu